دونك اسمع جوابي كان تبي الأكيد
انا اعطيك الاجابة على قدر السؤال
ابو مشعل تربع فوق عرش القصيد
في كلام مهذب كالقراح الزلال
شاعر للضياغم و للضياغم حفيد
واللقب يوم حازه اشهد انه حلال
حي راسه تغنى بالكلام السديد
وحي قوله حقيقي مابناه أحتمال
وحي شاعر محنك بالقوافي زهيد
مايروق لمزاجه كود نظم الجزال
حي شاطي واكرر حي شاطي واعيد
وآقف لكل حرفن من كلامه اجلال
الشاعر:
(سطم بن فهد الخليل)
رد شاعر الضياغم
( شاطي بن مجول الخليل)
كبر حجم الشهاده كم انا به سعيد
من رفيقن شموخه كاشموخ الجبال
لو قراه الفرزدق في عباره لبيد
ينحني له تذلل دون شك وجدال
من سطم ضيغمين بالقصايد يشيد
شمس عزن تبهرج في وضوح وكمال
يالها من مفاخر ثقل وزن الرصيد
الفخر بالفعايل والرصيد الرجال
له سلامي مكرر مايميل الجريد
ما يضم الجنوب ومحتواه الشمال
شاطي مجول الخليل
0 التعليقات:
إرسال تعليق