شيوخ غلبا .. للشاعر: شافي الداغر

انا احمد اللي جمله يا بن عردان ..

من فضل وال العرش جت بالسهايل ..

هبوا على النخوة شبابا وشيبان ..

لبوا لدعوتكم رجال الحمايل ..

شمر لشمر من قديمات الازمان ..

عادات شمر يكسبون النفايل ..

ماهو غريب الطيب يا ذرب الايمان ..

انتم لها منذ السنين الطوايل ..

شمر لهم بالمجد ساس وعنوان ..

وفي الوفا لهم شهود ودلايل ..

هي قاله العوني ياطيب الشان ..

مال للحمية غير شمر بدايل ..

شمر هل النخوة بروغات الادهان ..

والكل منهم للثقيلات شايل ..

ربعي هل الفزعة ياقيل يتمان ..

غوش الضياغم كاسبين الجمايل ..

العزوة اللي من تنصاه كسبان ..

هم تاج راسي طيبين الفعايل ..

لي الفخر فيهم وللفعل برهان ..

افعالهم بالطيب فيها مثايل ..

يعيش ابو وادي نسايل بعيجان ..

محمد طويل الباع للمدح طايل ..

هو شيخنا زيزومنا بالوفا بان ..

عريب ساس عاش واف الخصايل ..

شيوخ الجبل وشيوخ حضر وبدوان ..

يشهد على ماقلت كل القبايل ..

وشيوخ غلبا بالمواقف لهم شان ..

اهل الظفر يا كملن المحايل ..

الشاعر/

شافي بن حماد الداغر الجعفري

يمكن هنا كتابة وصف قصير عن المدونة ليظهر أسفل كل مشاركة وإن لم ترغب بذلك يمكنك حذف الكود الخاص بها.

إقرأ أيضاً