عجزت انا اكتب بالضياغم قصيدة
كل مابنيت البيت هديت انا البيت
اخاف من تقصير يلحق شديده
والا الفرايد عندنا مالها هييت
يما نخيت القاف يبدي جديده
واظهر لي الخافي على كف عفريت
بنات فكرن توها لي وليده
من جوهرالخافق بها اليوم غنيت
سرياقلم واكتب معاني فريده
بالبوك سطر لي من المجد والصيت
دامي ملكتك بالسنيين العنيده
بالحبر ترجم ماخفى عنك واخفيت
وانثر جواهرها على مأريده
قبل يحوس الفكر كثر التشاتيت
مشاعري بالجاش ماهي بليده
لوكنت عن كل المشاعر تخليت
ابمدح اللي بالفعايل حميده
قبيلتن تبقي ياهالكون مابقيت
نبراس عز والكرم له عقيده
لوكنت في كل القصايد تغنيت
ضياغمن والعلم هاكم وكيده
في منهج التاريخ مثبت بتثبيت
من دور ضيغم والمواقف عديده
ماتنحصر لوكان بالشعر جاريت
سلايل الابطال تبقى تليده
يما يموت الحي وياميت حييت
ويغنيك عن سرد المواقف رشيده
فزعاتهم تذكر مع الحي والميت
لاشك يكفي مادخل في في رصيده
من موقف اليتمان ياناس عديت
صوتن تعلا بالصحف والجريده
صرخه عجوزن تتبع الصوت ياليت
لبو له اللي للمكارم بريده
حييت ياصوتن تعلاها حييت
كلن زهد بالمال واجزل مديده
من عسر والا يسر يالصوت لبيت
حميت اليتمان مثل الوقيده
توجس دفاها دايم الدوم يابليت
اليا تناخوا قدم العيد عييده
وترى الثقايل مالها غير عنتيت
يتمان مذرى عن هبايب جليده
وظلن اليا حدتك اليالي وحديت
مثل الجبال النايفات الصليده
اجا وسلمى والمسمى بحليت
يتمان عونن للضعيف وضديده
يشرب هماج وكن شربه حلاتيت
والله لو ان الطيب قصرن نشيده
مايسكنه ياكود من يطلب الصيت
وانتم سكنتوا الدار وكلن شهيده
يتمان ياضاقت عليك السباريت
ويالابتي ياهل العلوم المجيده
تستاهلون المدح لو كنت ما وفيت
الشاعر:
عياد الحسيني
عنزة حكام الجزيره
ردحذفلو انه عنزي ههههههههه
ردحذفعنزة اسياد العرب
ردحذفعنزة بكر و تغلب حي
ردحذف