تحيزموا يامحزمي .. حنـّا لها .. حنـّا لها
رجال شمر .. لا أرتكت محدن يضد رجالها
شمّر طنايا من طنا .. سنعوس لاثار القبس
ناطى على خد السحاب .. ونعتلي بـ طوالها
يوم أنها سيف ووغا .. سدنا على روس السطر
الأرض تشهد .. والسماء وسهولهــا وجبالها
الشمري فعله فخر .. يوم الفخر حكم ٍ وسيف
واليوم يوم أنه عطاء .. مانعطي الأ جزالـها
حنــّا هل المجد القديم .. والشمري طبعه كريم
عيال حاتم لابتـــي .. والحاتمي يرقى لهـا
سلمان ينخى لابتـه .. من غيركم عز وسند
سلمان ينخى وأن نخى شمّر تسوق أموالهـا
تكفون يازحول الرجال .. النايفه تطلب فعل
واللي يبي كبد السماء .. لابد مايسعى لهـا
تحيزموا لأجر ٍعظيم إعتاق راس المستضيم
الشمري للشمري .. وشمر تفك عيـالها
تعاونوا .. تعاضدوا .. تداحموا لأجر ٍ كبير
ولـ يشهد التاريخ فعل ٍ ينحفظ لأجيـالها
حنــّا لها .. يالابتي .. ياعزوتي .. حنـّا لها
رجال شمر .. لا أرتكت محدن يضد رجالها
الشاعر:
سلطان شيال النجران
0 التعليقات:
إرسال تعليق