بسم الله الرحمن الرحيمً
اليكم
ان كان طيبي يعتبر ضعف ياهيه .. اكتب على صدر
النوايف ضعيفي
مستارثن طيبي ليا جيت تبغيه .. من ربعي اللي ينحرون المخيفي
حنا هل الفنجال واهل المشارهيه .. وهل الصحون وكل حكين ضريفي
من جدنا الاول ليا عد ماضيه .. ليا وقتنا اللي. فيه رحمة لطيفي
ظهرونا ماهو بوقت المرافيه .. نظهر ليا حان الزمان الكليفي
رجالنا ماينتظر ممن يعشيه .. ولا ينتظر قولة نعم من حليفي
وخوينا لو نذكر البال ناسيه .. لنام ليل ولا نشد العسيفي
والجار لامنه نصانا نراعيه .. يبكي علينا لا نوينا نحيفي
ما اقولها اقراء لكم بعض مافيه .. تاريخنا اللي صعب يلقى وصيفي
ياوقتنا اللي صار صعب تعديه .. فقير واصبح في يدينه رغيفي
ياصاحبي لا تقول وقتي اجاريه .. لا تجرفك دنياك تصبح كفيفي
من يبغي التقدير لا شك يشريه .. سوق المراجل مايبي له عريفي
لا صار في يديك شي من البيه .. ولاهو من حسابك تسوق النصيفي
وشفيك ماتخبر به الناس تاتيه .. اجرن بها الدنيا ورزق شريفي
ويلاه يالفقران محدن يدانيه .. حسبي على الدنيا تعز الهديفي
الفقر ماهو قل الاموال بيديه .. الفقر فقر النفس يهل المضيفي
يركض بعضهم للامير وحواشيه .. لا ماخذن قسمه ولا له رديفي
وربعه على حاله من الخزي تبكيه .. لو ينطلب حاجه غدا له رجيفي
العز مع ربعه غدا عنه واليه .. ترا العلوم تسير مثل السفيفي
الا الذي غصبن يشرفك تطريه .. اللي لكسب العز والله وليفي
هذا كلامي وافتخر يوم انا ابديه .. لو يززعل اللي يارفيقي معيفي
ارفع يديني كل ماضقت وارجيه .. رب كريم مايخيب رفيفي
يرحم بحالي ربنا يوم نلقيه .، بيوم نهاره مثل يوم الصريفي
وسلامتكم
كلمات / شاعر الرواحله
صح لسانك وعلا شانك
ردحذفبدون مجاملة رائعة من روائعك
صح لسانك ابو سلطان فصيدة بالصميم
ردحذفماشاء الله قصيدة أكثر من رائعه صح لسانك ياشاعر الرواحله
ردحذفجمليةة جدا؛
ردحذفصح لسانكك شاعر الرواحلهه؛
مبدع ماشاء الله،،
ويلاه يالفقران محدن يدانيه والله من رداه ليه ماياخذ حقه مع الرجال أنا ماني مع هاذا الأسلوب من الشعر مع أحترامي لشاعر وللقصيده
ردحذفيركض بعضهم للامير وحواشيه .. لا ماخذن قسمه ولا له رديفي
ردحذفوربعه على حاله من الخزي تبكيه .. لو ينطلب حاجه غدا له رجيفي
صح لسانك وبيض الله وجهك ..
كلام يرد الروح ..
صح لسانك الشيخ
ردحذفابو سلطان مطلوب رقمك
ردحذفصح لسانك الشاعر
ردحذفما المقصود بتعز الهديفي؟