الكاتب : شاعر الرواحله
بسم الله الرحمن الرحيم
اقدم لكم هاذي القصيده وهي اهداء { لمطلق بن محمد المشابي } ويستاهل القصيده ولا تكفي المناسبة عندما قدر الله على عبيد بن عشوي البريغشي وماتت اكثر من 16 ناقة فثارت النخوه عند مطلق وبيض الله وجهه ورحم الله والديه واهداء إليه خمس من الابل عوضا عن ما فقد .. والله يجزاه خير ويجعله في موازين حسناته والعلم الطيب يفرض نفسه ويجب ان يذكر ويمكن البعض لا يعلم عن هذه الحادثه ..
انا شخصيا عند المواقف هذه مواقف الرجال التي ليس فيها رياء ولا سمعه بل لوجه الله وفزعه لابن العم لا اخجل بان اكتب قصيده لانه قدم شي كبير في ظرف عظيم .. ولاهو غريب عليهم من اول وتالي ..
إليكم القصيدهـ وانا ادري انها ماتوفي ولا تصف ذاك الحدث الكبير لكن نبذل المجهود ..
حي اليمين وحي فعلك ومرباك *** انا اشهد انك ماتهاب الصعابي
يوم لفاك العلم ماقلت وش جـــاك *** عزمت يا مطلق وسقت الركابي
عطتيتن ماتعطي الدين حـــاشــاك *** فعلك على العدوان مثل الشهابي
منهو فعل فعلك وجارى سواياك *** فعلك على بعض الاوادم عذابي
تستاهل التقدير والشعر يزهاك *** طيبك على الواقع ولاهو سرابي
لبسـت ثوب لو مضى الوقت قداك *** واعزتي للي حياته ذهابي
ولا هي غريبه لو تباهيت بخطاك *** ياساطي المده رفيع النصابي
شيخن ولو ماتملك الختم يمنـــاك *** حرام عقبك كل خاسي وهابي
واقبل تحياتي لعيــــــنك وشروآك *** والعذر منك كان قافي غدابي ..
وسلامتكم ..
والعذر والسموحه على القصور وكل فعل غانم كلنا نشترك فيه والحمد لله ...
كلمـآت /
شاعر الرواحله .
رد ابو فهد واللي افتخر فيه كثيرا
اشكرك ياشاعر الرواحله
واطال الله في عمرك ووفقك
وهذه الصفة من صفات اهل الوفاء ورد الثناء لصاحب الفضل
حتي وان كان لن ينالك من ذلك المعرف شيئاًوانما هي خصلة تتجسد بروح الأنسان
انا الحقيقة لااعلم عن مطلق هل هو علم بهذه الجميلة ام لم يعلم وانما حاولت في بعض
الابيات لعلها تصل الي شيئاً مما يروق لشخصك الكريم مرةٍ اخرى الف شكر لك يالخال
وفيت يابن الخال والنقص ماجاك=حي الجواب وحـي راع الجوابي
لاهان راس اللي على الطيب ربّاك=والطيب بين التربية والمرابي
ومن منهج الشيبان خذيت مبداك=اهل العطاء ورد الثناء والحِرابي
وعسى المنايا يابن خالي تعداك=يا سَعَدْ جعلك تهتني بالشبابي
ومطلق تره وعبيد ذاك من ذاك=كلـه يتيمـي البريغشي والمشابي
ومطلـق0أنا ماني بمبداه شـكاك=اعرفـْه عِـرفٍ للعطاء مايهابي
.
لاشك أن المناسبه تستاهل الذكر والقصيد ولا هو غريب الطيب أذا كان من هله المشابي من خيار ربعنا والبراقشة يستاهلون وما قصرو الشعار الله يبيض وجيههم لاكن أتمنى وهاذه أمنيه أن يكون شعرنا أفضل مما كتب وألله يبيض وجيه الجميع
ردحذفصح للسان شاعر الرواحله
ردحذفوصح للسان ابو فهد سطم فهد الخليل
ويستاهل ابومشاري ونعم
ماشاء الله قصيدة رائعة جداً ورد أروع
ردحذفنشكر الشاعرين على المشاركة
قصيدة رائعة وجزله
ردحذفورد رائع ومبدع
الله يعطيهم اللعافيه كفو و وفو
صراحه قصيدة ورد ولا احلاااااااااااااااا
ردحذفابداااع
قصيده رائعه .. ويستاهل ابن مشابي عساه على الطيب دوم
ردحذفصح لسان شاعر الرواحله