ياصاحبي ،،

..

السلام عليكم ورحمة الله وبركاته 

قصيدة ياصاحبي ..

إليـكم ..

ياصاحبي واللي خلقني من تراب=انا خويك لا جفتك الليالي 

لو صار مني صد وخلاف وعتاب=اعرف بإنك داخل القلب غالي 

ياصاحبي لو بزعل اليوم كذاب=مالد بالي للامور الهزالي 

اشيم عنها واعتلي راس مرقاب=ولا خير في رجل كثير الجدالي

اعاتب الاحباب لاشفت الاحباب=غرقوا بداخل غبتن ماتطالي

عيبن على اللي شاف صاحبه منصاب=ولا راح يمه سنعه للعدالي

ضحكة رفيقي لي واحزانه اتعاب=تثر علي مانام من هم بالي

طبعن لبوي وطبع جدي والاقراب=هل الدلال معدلين الميالي 

وانا ولدت عقاب وباقي انا عقاب=ومرضى بغير الطايلات الجزالي

يكم رفيقن صرت له درع وحجاب=ويومن بغيته تزني للهوالي

ياكيف تزرع تين في وسط الاعشاب=ويوم انه اثمر صار سمن زلالي

الطيب ماينفع بعكفان الاذناب=الطيب يثمر في سباع الجبالي

اسمع وخلك ذيب اتهيب ماتهاب=تفعل فعول معربين الخوالي

اكرم وصوت ياهلا والف ترحاب=ترى الكرم يستر عيوب الرجالي

ابدا بها تصبح مع الناس كساب=ماينفع التزييف ياهم ملالي

بعض العرب عنده من المال بس خاب=خايب وماله قالعه للرذالي

وبعض العرب حاله يمشيه بس طاب=قام وتطاول  بالذراع العوالي 

العلم يبقى مابقى ذكر الكتاب=ولا الفلوس تروح ماله مجالي

قلبي وهو توه على لعب الاعصاب=شايل هموم شعيل يابن الحلالي

من يومها تقطعت  كل الاطناب=وتفجر الشعر العظيم المثالي

واصبح سعد ينظم على كل الاقطاب=لا جاني الهاجوس شلت العقالي

وجلبت لسامع من الندر اعذاب =ابيات ماتطرى ولا بالخيالي

وانا احمد الله من عريقين الانساب =رويحلي مثل الذهب ولآلي 

من شمر اللي ذكرها شاع ونساب=مثل البحر لافاض طم الطوالي

يالله انا راجيك يارب الارباب=ياعالمن بالفايته والتوالي 

تفتح لنا يارب من رزقكم باب=وتثبتن يوم الحشر والسؤالي

وتوفقن يارب في شيبي وشاب=وتجعل فعولي قدوتن للعيالي

وصلوا عدد رمل الصحاري والهضاب=على نبيا للرديات زالي ..

وسلامتكم ./

كلمـآت / شاعر الرواحله 

شارك على جوجل بلس

من أنا Unknown

يمكن هنا كتابة وصف قصير عن المدونة ليظهر أسفل كل مشاركة وإن لم ترغب بذلك يمكنك حذف الكود الخاص بها.