يا الله ياللي ما تضيع ودايعك 
ياللي جميع الخلق يسترحمونك
الكون كله معجزة من صنايعك
العرش لك والملك والكون كونك
يالعبد لا تحسب زمانك يطاوعك
أسئل رجال المعرفة يقنعونك
قال الذي وده من الخير ينفعك
ما يحسدك لو كلهم يحسدونك
الناس في تكوينهم مثل أصابعك
ماهم سوا لو لونهم مثل لونك
ترى جليس السوء يخلف طبايعك
وتصير كل المجتمع يكرهونك
اجعل دروب المرجلة من مطامعك
والرزق عند اللي كفيلا بشؤنك
حظك ليا منه تسنع يسنعك
لو كل سكان الوطى ما يبونك
طيب العمل مع طيب نيتك يطلعك
والغش وأسلوب الحيل ما تصونك
والحق وأصحاب الحقيقة مراجعك
اللي على الدرب السليم يهدونك
يا قلب لا تشكي لغيري مواجعك
الا على اللي ما يخيب ظنونك
ما كل ما تسمع تضمه مسامعك
اترك كلام الناس لا يشغلونك
اكتم خوافي ما تكنه روابعك
وأعرف ترى من خان غيرك يخونك
ومن لا نفع غيرك فلا هو بنافعك
وقت اللوازم ما تشوفه عيونك
وشعاد لو تخفي دموعك مدامعك
يا فات وقت المصلحة ما يجونك
وين الرفيق اللي ليا طحت يرفعك
الوافي اللي يجرحنه طعونك
المعدن الطيب على الطيب يدفعك
وأهل الردى يم الردى يدفعونك
المعدن الطيب على الطيب يدفعك
ردحذفواهل الردى يم الردى يدفعونك
ابيات في غاية الروعه صح السان شاعرها وتسلم يد ناقلها
صح لسان شاعرنا قصيدة قليل بحقها الروعة
ردحذفصح لسان ابو حمود ..
ردحذفقصيده فيها من الحكم الونصائح